पश्चिमी गाजा शहरको भग्नावशेषको बीचमा साद अल–दिन अबु अजवाले एउटा अस्थायी कार्यशाला सञ्चालन गर्छन् । जसले प्लास्टिकको फोहोरबाट दैनिक लगभग ५ सय लिटर डिजेल उत्पादन गर्छ । हरेक दिन कामदारहरूले विभिन्न खारेज गरिएका प्लास्टिकका वस्तुहरू भाँच्छन् र ठूला धातुका कन्टेनरहरूमा पगाल्छन् । इजरायलको नाकाबन्दीले गर्दा भएको अभावलाई पूरा गर्न फोहोरलाई इन्धनमा परिणत गर्छन् । जुन दुई महिनाभन्दा बढी समयदेखि चलिरहेको छ । टुक–टुक जेनेरेटर र पानी पम्पहरू लगायत आवश्यक उपकरणहरूलाई बिजुली दिन कन्टेनरहरूसँग लाइनमा बस्ने बासिन्दाहरूलाई इन्धन सिधै बेचिन्छ ।
अक्टोबर ७, २०२३ मा गाजामा द्वन्द्व शुरु भएदेखि, इजरायलले गाजामा सहायता आपूर्तिको प्रवेशमा प्रतिवन्ध लगाएको छ । संयुक्त राष्ट्र संघका एजेन्सीहरूकाअनुसार युद्ध शुरु भएदेखि पट्टीमा प्रवेश गर्ने इन्धन न्युनतम छ । प्रायः अस्पतालहरूमा निर्देशित गरिएको छ ।
यसैबीच इन्धन स्टेशनहरू जनताका लागि बन्द छन् । जसले गर्दा बासिन्दाहरू सुधारिएको विकल्प वा कालो बजारमा जान बाध्य छन् । जहाँ एक लिटर डिजेलको मूल्य अब ७० अमेरिकी डलरसम्म पर्छ । धेरै बासिन्दाहरूको लागि, स्थानीय रूपमा उत्पादित डिजेल अस्थायी जीवन रेखा बनेको छ ।
सुकरले हरेक दिन अबु अज्वाको कार्यशालाबाट इन्धन खरिद गर्छन् । उनी भन्छन् कि प्रतिलिटर लगभग १४ डलर लागत अझै पनि उच्च छ । तर आयातित डिजेल भन्दा उल्लेखनीय रूपमा सस्तो छ । उनलेसस्तो इन्धनको उपलब्धताले ढुवानी लागत घटाएको बताए । तर स्रोत सामग्री प्लास्टिकको फोहोर पनि सकिएको छ ।
इजराय गाँजा
