
काठमाडौँ । जसपा नेपालका अध्यक्ष उपेन्द्र यादव मुछिएको १८ वर्षअघिको गौर हत्याकाण्डको छानबिन अघि बढाउन सर्वोच्च अदालतले आदेश दिएपछि कार्यकर्ताहरूले विरोध गरेका छन् । सोमबार साँझ उनीहरुले सडकमा प्रदर्शन समेत गरेका छन् ।
गौर हत्याकाण्डका घाइतेमध्येका एक त्रिभुवन साह लगायतले दायर गरेको रिट निवेदनमाथिको सुनुवाइपछि सर्वोच्च अदालतले उनीहरूको माग बमोजिमको आदेश जारी गरेको हो ।
गौर हत्याकाण्डमा मारिएका आफन्त तथा घाइतेहरूले जिल्ला प्रहरी कार्यालय, रौटहटमा जाहेरी दिँदा समेत कुनै छानबिन अघि नबढेको भन्दै अनुसन्धान अघि बढाउन आदेशको माग गरेका थिए ।
सर्वोच्च अदालतको उक्त आदेशपछि यादव अनुसन्धानको दायरामा तानिने भएका छन् ।
कार्यकर्ता सडकमा जसपा नेपाल