राष्ट्रिय स्वतन्त्र पार्टी (रास्वपा) का सांसद मनिस झाले नेपाल आतंकवादको विपक्षमा रहेकोमा स्वागत गरेका छन् । शुक्रबार प्रतिनिधिसभाको बैठकमा उनले भारत र पाकिस्तानको सम्भावित युद्धबाट सर्तकता अपनाउन आग्रह गरे ।
‘परराष्ट्र मन्त्रालयाले ढिलै गरेर भए पनि, हिजो साँझ व्यक्तव्यमार्फत सार्वजनिक गरेको ‘आतंकवादविरुद्धको अडान’को स्वागत गर्दै, भारत–पाकिस्तानबीच युद्धको स्थिति बन्न गएमा नेपाललाई पर्ने सक्ने सुरक्षा, आर्थिक र आपूर्ति श्रृंखलाको असरका साथै पश्चिम भारतमा र पाकिस्तानमा रहेका नेपालीहरूमाथि पर्न सक्ने प्रभावसम्मको आकलन गरी योजना निर्माण गर्न माग गर्दछु,’ उनले भने ।
उनले समग्र परिस्थितिको मूल्याकंन र नेपाल सरकारको तयारिबारेमा संसदलाई जानकारी गराउन रुलिङ गर्न पनि माग गरे । ‘यसैबीच पाकिस्तानमा अध्ययनरत ८० जना विद्यार्थीहरूले उद्धारको अनुरोध गर्नुभएको छ । तुरुन्त उद्धार र सुरक्षाको पहल होस्,’ उनले भने ।
८० जना विद्यार्थीको उद्धार
